"Оқуға құштар мектеп" жобасы

"Оқуға құштар мектеп" жобасы N49 жалпы орта білім беретін мектебінің ұстаздары мен қызметкерлеріне "Біз оқитын 100 кітап" библиофрешін ұсынады.

Кітап-жан айнасы. Оған қарап бойыңды да, ойыңды да түзеуге болады. Осы орайда мектеп кітапханасында "Жаңа кітаптар әлемінде" шарасы ұйымдастырылуда.

Бұл жобаны іске асыру үшін мектеп кітапханашылары мен әкімшілігі тарапынан үлкен жұмыстар атқарылуда. Нәтижесінде тек оқушылар мен ұстаздар ғана емес, мектеп қызметкерлері, ата-аналар да кітап оқуға мүмкіндік алумен қатар өзіндік даму және танымдық процесіне қатыса алады. 

Жоба барысында жүргізілген библиофреш әр оқырманның кітап оқуға қызығушылығын арттырумен қатар, рухани құндылығымызды, тарихи деректерімізді өскелең ұрпақ бойына дарытып, патриоттық рухын ояту болып табылады.  Акцияның жыл сайын жалғасын табатындығына, ауқымды қамтылуына атсалысатын боламыз.

Заңғар жазушымыз Мұхтар Әуезов: «Кітап аяулы досы бола бастаған шақтан былай ғана әрбір жан өзін интеллигент бола бастадым деп санауға болады деген екен. Ендеше, тұлға болу үшін кітаппен дос болу керек.