«Шымкент қаласының Дарын орталығы»

2021  жылы  сәуір  айының  17-ші  жұлдызында   «Шымкент  қаласының   Дарын  орталығы» КММ, М.Әуезов  атындағы  Оңтүстік  Қазақстан мемлекеттік  университетінің  ұйымдастыруымен,  ұлттық  бірыңғай  тестілеудің    бейіндік  пәндері  комбинациясы   бойынша  қалалық  және  облыстық  пәндік  олимпиадасына  біздің  11-сынып  оқушылары  қатысып,   үш  оқушымыз   екінші  турға  жолдама  алған  болатын.   23-ші  сәуір  күні   II  турға  қатысқан  мықтылардың  арасынан  оза  шауып,  топ  жарған  шәкірттеріміз  11г-сынып  оқушысы  Нұрғалиева  Аружан  мен  11в  сынып  оқушысы  Бекжанқызы  Айда  қанжығаларына  II  және  ІІІ  орынды  байлап,  гранттың  50% , 70%  жеңіп  алды.   Осының  негізінде   бүгін  6-мамыр  күні  Шымкент  қаласы  және  Түркістан  облысы   бойынша  облыстың  және  қалалық  олимпиада  жеңімпаздары  мен  жүлдегерлерін   марапаттау  рәсімі  жүргізілді.    Бейіндік  пен  қазақ  тілі  мен  әдебиеті   бойынша  Аружан  Нуралиева  (ІІ орын),  химия- биология пәні  бойынша   Айда  Бекжанқызы (ІІІ орын),    жеңімпаздарды  олимпиадаға   дайындағаны  үшін  пән  мұғалімдері  Сәбит   Мурзаев ,  Динара   Ералиева  және  мектеп   басшысы   Асылбек  Сарыбасов  М.Әуезов  атындағы  Оңтүстік Қазақстан мемлекеттік  университетінің  ректоры  Д.Қожамжарованың  «Алғыс  хатымен»  марапатталды.